Sondazhi: Binaj dhe Manastirliu “kokë më kokë”, ja si priren të votojnë kryeqytetasit

Në emisionin “Log.” në News24 janë bërë publike rezultatet e sondazhit më të fundit të realizuar nga “Notosondaggi”, përpara zhvillimit të zgjedhjeve lokale për Bashkinë e Tiranës.

Sondazhi, i drejtuar nga eksperti i njohur italian Antonio Noto, paraqet prirjet elektorale dhe perceptimin që kanë qytetarët për disa figura publike që mund të shihen si kandidatë potencialë për kryetar bashkie, pas përfundimit të mandatit të Erion Veliajt.

Sipas të dhënave, ish-ministrja e Shëndetësisë Ogerta Manastirliu gëzon besimin ndër 30% teqytetarëve te Tiranës, por 51% nuk kane besim.

• 30% e të anketuarve janë shprehur se “kanë besim” te ajo si kandidate e mundshme,
• 51% “nuk kanë besim”,
• ndërsa 19% thonë se “nuk e dinë” ose “nuk e njohin”.

Nga ana tjeter, Florjan Binaj ka perqindje me te ulet se Manastirliu te qytetareve qe “nuk kane besim”. \

• 28% “kanë besim”,
• 50% “nuk kanë besim”,
• dhe 22% “nuk e dinë / nuk e njohin”.

Arlind Qori, aktivist dhe lider i Lëvizjes BASHKË, rezulton me:

• 11% që kanë besim,
• 63% që nuk kanë besim,
• dhe 26% që nuk e njohin ose nuk janë të sigurt.

Ndërsa Marko Dajti, drejtues i Partisë së Punës së Riorganizuar, ka rezultuar me nivelin më të ulët të besimit publik:

• vetëm 5% e qytetarëve shprehen se kanë besim,
• 45% nuk kanë besim,
• ndërsa 50% nuk e njohin.

Sipas pyetjes së katërt të sondazhit, “Kryetar i Bashkisë së Tiranës: Orientimi i votimit”, rezultatet tregojnë një garë shumë të ngushtë mes kandidates së Partisë Socialiste, Ogerta Manastirliu, dhe kandidatit të pavarur, të mbështetur nga opozita e bashkuar, Florjan Binaj.

Ogerta Manastirliu (Partia Socialiste e Shqipërisë) merr 44,0% të mbështetjes, me një interval mes 42% dhe 46%.

-Florjan Binaj (I mbështetur nga Partia Demokratike, Partia Mundësia, Nisma Thurje, Lëvizja Shqipëria Bëhet) rezulton me 42,0%, në një interval nga 40% deri në 44%.

-Arlind Qorri (Lëvizja BASHKË) renditet i treti me 12,5%, ndërsa

-Marko Dajti (Partia e Punës së Shqipërisë e Riorganizuar) merr 1,5% të preferencave.

Rezultatet tregojnë se diferenca mes dy kandidatëve kryesorë është vetëm 2 pikë përqindje, çka e bën garën për Tiranën tepër të hapur.

gijotina.com/