Kreu i PL, Ilir Meta ka komentuar një sondazh të publikuar disa ditë më parë në lidhje me popullaritetin e figurës së tij, ku rezultonte si lideri më pak i pëlqyer. Meta tha se këto janë sulme të orkestruara nga shteti, teksa u shpreh i bindur se në zgjedhjet vendore, PL do të marrë rezultat të jashtëzakonshëm.
“Janë sondazhe të kombinuara dhe nga ata që financohen nga paratë e inceneratorëve. Këtë sondazh e ka shpall Rama që ditën që kam dalë nga Presidenca. Rama e di mirë se mbi 80% e Shqipërisë po zien nga padurimi për ta shporrur një herë e mirë atë. E di mirë po ashtu se nëse ka një forcë politike ku duart e tij priten shumë shpejt është Partia e Lirisë se te të tjerat i ka futur duart ai direkt apo indirekt. Po te mos kisha popullaritet nuk do orkestroheshin kaq shumë sulme e veprimtari kriminale nga ana e shtetit. Unë i besoj sondazhit të përditshëm në raport me qytetarët dhe atij të zgjedhjeve vendore ku PL jam i sigurt do arrijë një rezultat të jashtëzakonshëm e do japë një kontribut për fitoren e gjithë opozitës nëse opozita e dëshiron këtë fitore. Nuk jam fare i shqetësuar për popullaritetin tim por për gjendjen ku është vendi, që është si pasojë e Edi Ramës”, tha Meta.
Discussion about this post