Sonte nis edicioni i dytë i formatit gjigant televiziv, Big Brother VIP Kosova.
Edhe një herë tjetër do të keni mundësinë që të preferuarit tuaj nga kasti i përzgjedhur me shumë kujdes, t’i ndiqni 24 orë në ditë, në 7 ditë të javës.
Spektakli i parë ‘Prime’ do të nisë sonte, duke filluar nga ora 21:00.
Drejtuesit e programit edhe për këtë vit do të jenë, prezantuesi nga Kosova, Alaudin Hamiti dhe aktorja nga Shqipëria, Jonida Vokshi.
Ndryshime do të ketë në panelin e opinionistëve, ku përpos prezantueses, Anita Haradinajt që në këtë rol erdhi edhe në sezonin e parë, një karrige është rezervuar ekskluzivisht edhe për gazetarin, Bledi Mane.
Ndërkaq, tani është zbuluar pak nga shtëpia e BBVK 2, me Alaudin Hamitin i cili ndau një postim në InstaStory.
Gjithashtu, drejtuesi i emisionit ka ndarë edhe një fotografi të studios e cila do të zbulohet tërësisht sonte.
Discussion about this post