Maratona e Euro 2024 vazhdon edhe sot, teksa në program janë dy ndeshje interesante për t’u zhvilluar.
Në fakt ndeshjet e ditës së sotme shënojnë fillimin e xhiros së tretë të Kampionatit Evropian 2024 dhe të fundit të fazës së grupeve.
Ndeshja më interesante është ajo mes Zvicrës dhe Gjermanisë e cila do të luhet në “Deutsche Bank Park” të Frankfurtit.
Gjermania si organizatore e kësaj gare tashmë është kualifikuar në mesin e 16 më të mirave, por sot i duhet fitorja që të marrë kryesimin e Grupit A.
Zvicra në anën tjetër numëron katër pikë dhe në rast të një fitoreje eventuale do të kualifikohej si lider i grupit.
Përballje shumë interesante pritet të jetë edhe ajo mes Skocisë dhe Hungarisë që bëjnë pjesë në grupin A së bashku me Zvicrën dhe Gjermaninë.
Të dyja ekipet kombëtare do të kërkojnë pikët maksimale në këtë takim për të tentuar kualifikimin nga pozita e tretë.
Që të dyja këto përballje do të luhen në orar të njëjtë, pra në 21:00.
Ndeshjet e sotme i interesojnë edhe Shqipërisë, pasi një barazim mes skocezëve dhe hungarezëve mund të lehtësonte kualifikimin si e treta në grup. Ndërkohë, për kuqezinjtë është e rëndësishme që të dinë se kush do të jetë skuadrat e vendit të dytë në këtë grup.
Kjo pasi formula e fazës me eliminim direkt parashikon që kjo skuadër e vendit të dytë, të ndeshet me të dytën e Grupit B ku bën pjesë edhe Shqipëria.
Matchday 3 is here 🤗
👀 What will happen in the final Group A games?@bookingcom | #EUROfixtures pic.twitter.com/gnfxmiLOFx
— UEFA EURO 2024 (@EURO2024) June 23, 2024
Discussion about this post