Sot luhen dy përballjet e Superiores, Partizani do të kërkojë kreun e renditjes

Java e 17-të e Superiores do të mbyllet me 2 duele që luhen në orare të ndryshme.

Bylisi do të presë Partizanin në orën 13:30 dhe Tirana me Teutën do të përballen në orën 17:00 në “Arenën Kombëtare”.

Të kuqtë do të synojnë tri pikët, për t’i rimarrë kreun Egnatias, ndërsa mallakastriotët për të lënë vendin e fundit që mbajnë aktualisht.

Nga ana tjetër durrsakët nuk njohin fitore në kampionat, nga ndeshja e fazës së parë me kryeqytetasit dhe do të kërkojnë të rikthehen te suksesi, ndërsa Tirana kërkon që të përmirësoje renditjen.