Dita e sotme pritet të dhurojë spektakle të tjera në Euro 2024.
Ndeshja hapëse e ditës së sotme do të jetë ajo mes Sllovakisë dhe Ukrainës, e cila do të nisë në 15:00.
Ukrainasit do të vihen në kërkim të fitores së parë pas humbjes që pësuan ndaj Rumanisë në ndeshjen hapëse, ndërsa Sllovakia do synojë ta sigurojë kualifikimin në raundin tjetër me një fitore.
Ndërkohë, nga ora 18:00 në “Olympiastadion” të Berlinit do të takohen Polonia me Austrinë, me dy kombëtaret që deri më tani nuk kanë arkëtuar asnjë pikë.
Supersfida e mbrëmjes luhet mes Holandës dhe Francës, që do të zhvillohet në “Red Bull Arena” të Leipzigut, në 21.00.
Dy ekipe të mëdha, të forta në letër dhe të barabarta me pikë.
Të dyja ekipet kanë siguruar nga tri pikë pas fitoreve ndaj Polonisë dhe Austrisë, ndërsa sot do kërkojnë që të sigurojnë biletën e kualifikimit për më tej.
Discussion about this post