Ditën e sotme në Shkup do të mbahet mbledhja e përbashkët mes dy qeverive, asaj të Maqedonisë së veriut dhe asaj të Kosovës.
Në njoftimin e bërë nga zyra e kryeministrit thuhet se “mbledhjes i paraprin takimi midis Kryeministrit të Republikës së Kosovës, Albin Kurti dhe kryeministrit të Republikës së Maqedonisë së Veriut, Zoran Zaev. Ky takim planifikohet të zhvillohet në ora 11:00”.
Mësohet se mbledhja e përbashkët e dy qeverisë do të nisë në orën 11:30, deri në 12:30. Gjithashtu në njoftim thuhet se në orën 12:30 fillon ceremonia e nënshkrimit të marrëveshjeve/memorandumeve në mes Qeverisë së Republikës së Kosovës dhe Qeverisë së Maqedonisë së Veriut.
“Pas mbledhjes, nga ora 13:30-14:00, Kryeministri i Republikës së Kosovës Albin Kurti dhe Kryeministri i Republikës së Maqedonisë së Veriut Zoran Zaev, do të mbajnë konferencë për media”, bëhet e ditur në njoftim.
Më datë 14 shtator të dy zyrtarët e lartë ishin në Shqipëri pasi secili prej tyre pati një takimi privat me kancelaren gjermane Angela Merkel në kuadër të turit të saj të lamtumirës në Ballkan.
