Ditën e sotme do të mblidhen në Kuvend deputetet e parlamentit të Shqipërisë, për të diskutuar dhe miratuar disa projektligje të rëndësishme, siç është ai për noterin, për regjistrimin e pronarëve apo për profesionin e ndërmjetësit të pasurive të paluajtshme.
Ndërkohë që deputetët do të futen në sallën e Kuvendit, jashtë saj, banorët e zonës së ‘5 Majit’ do të protestojnë kundër shembjes së banesave të tyre në sajë të procesit të rindërtimit. Protesta pritet të mbahet sot në orën 09.30, pak para nisjes së seancës parlamentare.
Nuk dihet sesi qeveria do të reagojë ndaj protestës, por duke njohur kryeministrin Rama është e sigurt që do ta shfrytëzojë këtë të fundit për të qenë në qendër të mediave dhe për protagonizëm personal, njëjtë sikur bëri me fermerët apo personat me aftësi të kufizuara.
Discussion about this post