Moti këtë të martë, 6 tetor 2026, parashikohet të jetë kryesisht i qëndrueshëm në Tiranë dhe në pjesën më të madhe të vendit.
Orët e para të ditës do të karakterizohen nga kthjellime, ndërsa gjatë mesditës dhe pasdites pritet të shfaqen vranësira kalimtare, pa ndikuar ndjeshëm në kushtet atmosferike.
Në Tiranë, temperaturat minimale gjatë natës dhe orëve të para të mëngjesit do të zbresin në 13-14 gradë Celsius. Me kalimin e orëve, temperaturat do të rriten, ndërsa maksimalet pritet të arrijnë në 26-27 gradë Celsius.
Edhe në rang vendi do të mbizotërojë moti i qëndrueshëm. Temperaturat minimale do të zbresin deri në rreth 7 gradë Celsius në zonat malore, ndërsa në zonat e ulëta dhe ato bregdetare termometri do të shënojë vlera më të larta. Maksimalet gjatë ditës pritet të arrijnë deri në 27-28 gradë Celsius.
Era do të fryjë e lehtë deri mesatare, pa shkaktuar problematika. Edhe situata në det do të paraqitet e qetë, me dallgëzim të ulët prej 1 deri në 2 ballë.
Discussion about this post