Sot shemben banesa të tjera në Tiranë. Banorët e ‘”5 majit” kanë qëndruar zgjuar pranë banesave të tyre me frikën se mund tua shembnin. Familjarëve të njësinë numër 4 të cilëve do u shembet shtëpia, u janë bashkuar për t’i mbështetur edhe banorët e njësisë numër 8. Forcat e policisë kanë mbërritur në vendin e ngjarjes, për të qenë në gatishmëri në rast se ndodh diçka e papritur.
Pritet nga momenti në moment që të nisë shembja e banesave nga Inspektorati i Mbrojtjes së Territorit. Kështu, për disa prej tyre sot do të jetë hera e fundit që do flenë nën çatinë që kanë ndërtuar pasi në orët në vijim do të nisë shembja.
Banorët e kësaj zone, Kombinatit, Paskuqanit, dhe Laprakës kanë paralajmëruar grevë urie. Dita e djeshme ishte afati i fundit që ata i kishin lënë kryeministrit Edi Rama për t’i pritur në një takim, në të kundërt janë shprehur se do të ulen këmbëkryq para Kryeministrisë e do të futen në grevë urie.
Në të gjitha daljet publike të zyrtarëve të Bashkisë së Tiranës, pretendohet se banorët do të marrin atë që i takon, por nuk kanë asnjë të dhënë të shënuar në kontratë, që është regjistruar si “dhurim me detyrim”, klauzolë që nuk ekziston në Kodin Civil e në asnjë ligj tjetër të vendit. Nga ana tjetër, Rama pretendon se banorët që po u prishen banesat kanë marrë nga shteti më shumë se sa meritojnë
Discussion about this post