Qytetarët pritet të mblidhen sërish sot në Tiranë, në protestën e 127-të kundër qeverisë dhe kryeministrit Edi Rama
Protestuesit kërkojnë dorëheqjen e kryeministrit Rama dhe krijimin e një qeverie teknike.
Në kërkesat e tyre përfshihet edhe anulimi i disa ligjeve, për të cilat ata pretendojnë se janë në kundërshtim me interesat e qytetarëve shqiptarë.
Gjatë protestës së djeshme, protestuesit deklaruan se skandalet që lidhen me qeverinë janë të vazhdueshme dhe se qeveria nuk është më legjitime. Ata u bënë thirrje qytetarëve të tjerë që t’u bashkohen protestave.
Në përfundim të tubimit u paralajmërua gjithashtu një protestë e madhe më 13 tetor përpara Ministrisë së Arsimit.
Protestuesit dhe studentët kanë bërë thirrje për pjesëmarrje masive në këtë tubim.
Discussion about this post