Ka nisur protesta e dytë para Bashkisë Tiranës pas aferës së njohur si “5 D”.
Me thirrje dhe mesazhe në pankartat që mbanin në duar, protetuesit kërkuan dorëheqjen e Veliajt si kryebashkiak i Tiranës dhe arrestimin e tij.
Policia ka marrë shtesë për sigurinë te bashkia, duke vendosur një gardh metalik përreth institucionit. Masa të shtuara sigurie janë vënë re edhe te Kuvendi, ku këtë të enjte po zhvillohet seanca plenare.
Tre prej bashkëpunëtorët e ngushtë të Veliaj janë pas hekurave lidhur me dosjen e njohur si “5D”, ndërsa të tjerë janë nën masa më të lehta sigurie. Hetimet e SPAK zbuluan se dy drejtorët e “Lalit”, Mariglen Qato dhe Redi Molla zotëronin “de facto” një kompani përmes së cilës u jepnin tendera vetes si drejtues të Ujësjellësit, si dhe merrnin në mënyrë të paligjshme miliona në procedura prokurimi edhe nga Bashkia e Tiranës dhe institucionet e tjera nën varësi. Shuma e arkëtuar i kalon 20 milionë euro. Kompania në fjalë ka marrë po ashtu disa leje ndërtimi nga institucioni që drejton Erion Veliaj.
Për aferat e vartësve, Veliaj pretendon se nuk kishte dijeni, edhe pse të dhënat e dosjes hetimore sugjerojnë ndryshe.
Discussion about this post