Ajas Sulejmani është ndëshkuar 8 herë nga efektivët e Komisariatit Rajonal të Policisë Rrugore Tiranë, për shkelje të sinjalizimit e kodit rrugor.
E megjithatë, nuk u vendos asnjë masë sigurie për kamikazin e rrugëve të Tiranës.
Përveçse person me precedent penal në përdorimin dhe trafikun e lëndëve narkotike Sulejmani, autori i aksidentit të ndodhur sot në rrugën e “Kavajës”, tre javë më parë u lirua, me vetëm një gjobë.
Sot çifti Vilma dhe Arjan Konomi ndodhen në gjendje kritike për jetën në spitalin e Traumës, ndërsa kanë lënë pas një foshnje 3 muajshe, që shpëtoi falë veprimit heroik të nënës për ta mbrojtur nga përplasja e “kamikazit” të Tiranës.
Ajo që bën policia është vetëm kryerjja e procedurave formale të punës, ndërsa aksidentet rrugore po shënojnë një bilanc shqetësues.
Edhe pse i shoqëruar 8 herë në komisariat, trafikanti i drogës u la i lirë nga policia e shtetit dhe ai vazhdoi aventurat me manovrat e shpejtësisë në rrugët e kryeqytetit.
Personi “i rrezikshëm”, përplasi sot çiftin Vilma dhe Arjan Konomi së bashku me foshnjën e tyre, të cilët kanë respektuar kodin rrugor duke kaluar në semafor me sinjal jeshil dhe në vijat e bardha, në “Rrugën e Kavajës”.
Aksidenti ka tronditur të gjithë qytetarët pasi, dy prindërit e foshnjës 3 muajshe ndodhen në gjendje të rëndë për jetën, ndërsa foshnja shpëtoi mrekullisht pas veprimit heroik që bëri nëna, duke e shtyrë me shpejtësi karrocën e fëmijës.
Duhet që në vend të ndodhin aksidente të tilla që policia të “çohet” ë këmbë e të kryejë detyrën.
Shiko këtu videon e arrestimit
Discussion about this post