Ish-kryeministri Sali Berisha ka shpërndarë një video nga dita kur u prit me ovacione dhe nga shumë mbështetës, para se të hynte në Kuvend.
Teksa përshëndeti demokratët, Berisha paralajmëroi nisjen e një beteje, që sipas tij, synonte shpëtimin e PD. Në video, ai ka shkëputur pjesën kur flet pazare Rama-Basha.
Kujtojmë që sot Berisha do të jetë në Fier në orën 18.00, ku do të zhvillojë takimin e radhës me bazën e partisë dhe mbështetësit e tij. Berisha e nisi aksionin nga Tirana dhe ka deklaruar se do ta shtrijë në të gjithë vendin.
Ai e ka cilësuar të pavend vendimin e kryedemokratit Lulzim Basha për përjashtimin e tij nga grupi parlamentar i PD. Ish-kryeministri synon që të rikthejë PD në piedestalin që meriton, siç është shprehur vetë ai.
