Ditën e sotme pritet të zgjidhet presidenti i ri i shtetit dhe të gjithë jemi sy e vesh se si do të shkojë ky proces. Ndërsa nga ana tjetër pritet të shihen veprimet që do të ndërmarrë presidenti aktual, Ilir Meta. Si duket ai nuk është aspak i shqetësuar dhe i interesuar se çfarë do të ndodh sot me këtë proces dhe ka zgjedhur të postojë një foto në rrjetin e tij social “Facebook”.
Në foton e postuar në mëngjesin e sotëm, Meta shfaqet mes luleve në Stamboll ndërkohë që prej ditësh ndodhet në një vizitë në Turqi. “Mirëmëngjes nga Stambolli të dashur miq! Ju uroj një fundjavë të mbarë!”, shkruan presidenti aktual.
Mandati i Metës në postin e kreut të shtetit përfundon në datën 24 korrik. Ditën e sotme pritet që socialistët të zgjedhin pasuesin e tij në postin e presidentit me shumicën e votave të cilat i kanë në kuvend pas dështimit të tre raundeve të para.
Discussion about this post