Fjala “rikostruksion” përdoret rëndomë si fjalë kyçe për çeljen e fondeve që jepen në tendera për bizneset e favorizuara. Dhe kryebashkiaku i Korçës, Sotiraq Filo, e di më mirë se kushdo tjetër si bëhen këto prokurime. Kështu, pasi i lë objektet në mëshirë të fatit, Filo u kthehet me fonde të majme. Konkretisht, kështu ka ndodhur me tenderin “Rikonstruksioni i pjesshëm i degës Dunavec–Ventrok në zonën e fshatit Lumalas Nj. A. Bulgarec”.
Bëhet fjalë për të riparuar pjesërisht një kanal të vogël vaditës që është në funksion në këtë zonë, me gjatësi rreth 1 km dhe thellësi 1 metër.
Pra, abuzimi me fondin ka nisur qysh në çelje të tenderit me përllogaritjen e fondit limit dhe më pas me procedurat e shpalljes së fituesit.
Me 100 milionë lekë Filo mund të riparojë çdo kanale vaditës, por nuk ky është qëllimi parësor. Tek tenderi që po raportojmë, janë dorëzuar 11 oferta dhe kishte mundësi që të zhvillohej një garë sipas rregullave.
Gjithsesi Filo e kishte përcaktuar me kohë fituesin dhe prandaj nuk mund ta toleronte zhvillimin e një gare me konkurrencë.
Prandaj janë skualifikuar nga gara 10 firma menjëherë, mes tyre edhe ofertat e kompanive “ GLAVENICA ” shpk dhe NIKA shpk, që ishin më ekonomike. Këto propozonin ta mbaronin këtë punë me 68 milionë lekë.
Nëse të paktën këto dy oferta do ishin marrë në konsideratë, Filo mund t’u kishte kursyer qytetarëve korçarë 32 milionë lekë nga buxheti i bashkisë.
Por Filo zgjodhi rrugën korruptive, duke lënë për në fazën finale, pas asnjë konkurrent përballë, bashkimin e operatorëve XHENGO Shpk – INA Shpk.
Open Data Albania i ka vendosur tenderit “Flamurin e Kuq” që është shenja e riskut të korrupsionit.
Ndërkohë, jemi të shqetësuar sepse paratë po shkojnë në duart e biznesmenëve të njohur në aferat me tenderat.
INA Shpk është në pronësi të Ferdinant Çaushit, i cili merr shumë prokurime pa garë nga zyratërt e bashkive. Ndërkohë XHENGO Shpk ka pronar Shyqyri Xhengon. Në fakt, kjo kompani është degëzim i firmës “Xhengo Energy”, që ka përfituar një koncesion korruptiv në zonë. Edhe pse tashmë nuk flet askush për atë projekt, kompania është denoncuar nga qytetarët se ndërtimi i hidrocentralit në Lumin e Selcës u përmbyt tokat.
Ky hidrocentral është ndërtuar pikërisht nga firma “Xhengo Energy” e Shyqyri Xhengos, por me sa duket jashtë normave dhe kjo ka sjellë dëme të mëdha për disa fshatra të Korçës aty rrotull. Në vitin 2020 banorët e fshatit Velçan kanë denoncuar se uji i hidrocentralit iu përmbyt tokat dhe të mbjellat.
“Uji i hidrocentralit më ka përmbytur vaskat e peshkut dhe pemët me qershi dhe mollë…”, shpreheshin banorët për mediat.
Në Gorë të Korcës HEC i quajtur “Kasollet e Selcës” me arbitraritetin e pronarve të kompanisë “Xhengo Energji”, jo vetëm që përmbyt tokën bujqësore, por përmbyt me të edhe investime të bërë në të me mbështetjen e Qeverisë. Janë qindra qershi të mbjella e lulëzuara të mbështetura dhe vaska peshku të ndërtuara aty me grant nga AZHBR ( Agjensia e Zhvillimt Bujqësor Rural) të përmbytura . Nuk është përmbytje si rrjedhojë e reshjeve intensive në një periudhë të caktuar është përmbytje permanente në rastin më të mirë e llogaritur keq, nëse jo e qëllimshme.
Por, ndaj firmës që ndërtoi hidrocentralin pa marrë parasysh se cilat do të ishin pasojat, nuk u kërkua kurrë llogari dhe nuk u mor asnjë masë. Pavarësisht ankesave të qytetarëve, Xhengo është mirëpritur tek pushtetarët dhe e gjen rrugën tek Bashkia Korçë për të marrë paratë e taksapaguesve pa garë.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post