Dhuratat të shtrenjta për Krishtlindje nga kryebashkiakut të Korçës, Sotiraq Filo! Nuk janë kukulla, por makina të vërteta! Me datë 21 dhjetor 2022 ai ka firmosur një kontratë përmes të cilës do të blihen makina për Ndërmarrjen e Shërbimeve Publike Korçë. Sipas të dhënave, Bashkia Korçë ka lënë në dispozicion për blerjen e këtyre mallrave 80 milionë lekë. Mbase duheshin këto makina, por mënyra se si po shpenzohen paratë, e bëjnë tenderi të duket si dhuratë për fituesen. Pra, përveç se po shpenzon miliona lekë vetëm për 3 automjete, Filo po i shpërdoron ato në shkelje të ligjit.
Konkretisht, kompania ” VILDEV – CO ” ka qenë e vetmja që ka paraqitur ofertë dhe pa zhvilluar një garë sipas ligjit, Filo e ka shpallur fituese. Kryebashkiaku nuk ka pyetur as për faktin se kjo kompani ka dhënë ofertën shumë të shtrenjtë. Me vlerë 7 900 000,00 lekë, pra sa 99% e fondit limit.
Me firmosjen e kësaj kontrate pa konkurrencë dhe duke cenuar sigurinë për fondin limit. Filo ka mbyllur kështu një tjetër kontratë abuzive brenda javës. Për këtë arsye, Open Data Albania ngre alarmin edhe për risqet që sjell kjo kontratë, duke theksuar se po vidhen fondet publike të kësaj bashkie.
“VILDEV – CO” në pronësi të Zhulieta Myrtollarit është një nga kompanitë e preferuara të Sotiraqit. Sepse të dhënat e grumbulluara tregojnë që vetëm në 2 vitet e fundit. Kjo firmë ka përfituar 68,997,453.00 lekë transaksione nga Thesari i Shteti. Të gjitha këto janë fituar nga tenderët e firmosur me Bashkinë Korçë.
Kompania pa licencë
Sikur të mos mjaftonte dhënia e fitores pa garë, në dokumente vërtetohet që as kjo kompani nuk i përmbush kriteret për të qenë fituese. Në një pikë të kritereve që ka paraqitur Bashkia Korçë thuhet se, “Operatori ekonomik duhet të paraqesë Licencën e lëshuar nga Drejtoria e Përgjithshme e Shërbimeve të Transportit Rrugor (DAP-in)”.
Ndërsa nga të dhënat e kompanisë rezulton se ajo nuk posedon asnjë lloj licence. Çka tregon se Filo me Myrtollarin kanë zhvilluar këtë aferë së bashku për të përvetësuar dhe shpërdoruar nga buxheti i bashkisë Korçë.
Ndërsa vlen të përmendet se sipas dokumenteve standarde të tenderit, do të blihen vetëm 3 automjete për shërbim të Ndërmarrjes së Shërbimeve Publike Korçë. Kështu pra, për këto mjete Sotiraqi gostiti me 80 milionë lekë Zhulietën.
Lexo edhe: Sotiraqi i Korçës shfrenohet për festa, 50 mln lekë për dekore
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post