Ditën e sotme skuadra e yllit të Kombëtares shqiptare, Armando Brojas, Southampton do të përballet me Burnley-n për javën e nëntë të Premier League.
Sulmuesi ‘Kuqezi’ pritet që të zbresë në fushë si titullar pas performancës së admirueshme që bëri në ndeshjen e fundit të ekipit të tij, atë kundër Leeds, që njëkohësisht ishte dhe e para si titullar për talentin.
Ai realizoi golin e vetëm dhe të fitores për Southampton në minutën e 53-të, teksa në këtë takim u fut si zëvendësues i Adams, i cili ishte i dëmtuar.
Trajneri i skuadrës angleze Ralph Hasenhutl u shpreh pas kësaj ndeshjeje se shqiptarit iu dha një shans dhe se ai diti si ta ‘rrëmbente’ me të dyja duart.
Teksa sot Broja pritet të fillojë sërish që nga minuta e parë dhe nga kjo performancë do të shihet nëse ai do të mund të ‘blindojë’ rolin e titullarit për vazhdimësinë e kampionatit.
Southampton renditet aktualisht në vend të 15 të tabelës së Premier League me shtatë pikë, ndërsa kundërshtarët e tyre për sot qëndrojnë në vendin e 18 me vetëm tre pikë./K.T/Gijotina.com
