Skuadra e Southampton do të ndeshet sot në orën 16:00 me Tottenham për takimin e javës të 20 të kampionatit të Premier League.
E ndërsa na ndajnë edhe disa minuta nga nisja e kësaj sfide trajnerët Hasenhuttl dhe Conte kanë vendosur formacionet me të luajnë. Ajo që bie në sy nga ana e vendasve është se talenti i Kombëtares Shqiptare, Armando Broja, do e nisë këtë takim nga stoli.
Vendim pak i çuditshëm duket ky i teknikut te Southampton, duke ditur se Broja është nga ata emra vendimtar në ekipin e tij, por e sigurt mund të themi së është aktivizimi i tij në një pjesë të caktuar të sfidës.
Bazuar në renditjen e deritanishme të tabelës së Premier League ‘Spurs’ dalin të favorizuarit e kësaj ndeshjeje, por vlen të theksohet se skuadra e trajnerit Antonio Conte vjen pas një mungese të gjatë për shkak të infektimeve prej Covid-19, si dhe nuk duhet harruar se vendasit po bëhen të ‘frikshëm’, nëse do të rikujtojmë fitoren me rezultatin 2-3 ndaj West Ham javën e kaluar, ku protagonist ishte edhe sulmuesi ‘Kuqezi’, i cili mori penalltinë për Southampton./K.T/Gijotina.com
Discussion about this post