“Tre Luanët” do të përballen këtë të hënë, në orën 20:45, me Maqedoninë e Veriut, në një ndeshje kualifikuese, në të cilën trajneri Gareth Southgate pranon se ka disa vështirësi në zgjedhjen, se kush do të luajë, sidomos duke marrë parasysh karakteristikat e kundërshtarit.
“Është gjithmonë e vështirë të zgjedhësh një skuadër, ne kemi një skuadër të dendur me shumë cilësi. Si gjithmonë, ne do të zgjedhim se kush do të luajë në bazë të kundërshtarëve tanë.
Duhet të jemi të mirë për të fituar ndeshjen”, tha trajneri, duke nënvizuar më pas, se “do të jetë një sfidë tërheqëse, pasi Maqedonia e Veriut ka një ekip me lojtarë të mirë”.
Sa i përket thashethemeve të tregut, Southgate mendon, se nuk është e përshtatshme të mendohet për këto çështje, pasi sipas tij, fokusi i lojtarëve duhet të jetë në ndeshjen kundër Maqedonisë.
“Nuk e ndjeva të nevojshme të them asgjë për transferimet dhe thashethemet, këto gjëra ndodhin në kohën e tyre të natyrshme, nuk ia vlen të ‘mbushni kokën’ me të.
Ata nuk mund të kontrollojnë asgjë. Duhet të jemi të fokusuar në lojën tonë. dhe të marrim tre pikët”, përfundoi ai.
Discussion about this post