Populli ukrainas po jeton mes frikës dhe panikut, kjo për shkak të luftës që ka hapur Rusia. Por në frikë nuk është vetëm populli i Ukrainës, pasi duket se frika ka kapluar edhe sozinë e Putin, Sobala.
53-vjeçari me banim në Wroclaw, Poloni, pranon se ndihet i tensionuar që kur Putin dha urdhrin për një operacion special ushtarak në Ukrainë. Sobala ka frikë se ukrainasit si dhe protestuesit e tjerë kundër luftës, do të kthehen kundër tij dhe do të kërcënojnë sigurinë e tij.
“Para luftës nuk kisha frikë për sigurinë time në rrugë, por tani kur filloi lufta, kur Putin sulmoi Ukrainën, kam pak frikë, sepse në qytetin tonë Wroclaw, ka shumë njerëz nga Ukraina që punojnë dhe jetojnë këtu. Ka pasur shumë raste që këta njerëz më kanë thënë se dukem si Putin, dhe tani për shkak të luftës kam pak frikë se këta njerëz mund të jenë të zemëruar ose agresivë kur të më shohin”, tha ai për Daily Star.
53-vjeçari drejton një kompani transporti dhe nisi të punonte edhe si aktor, që imiton presidentin Putin. Ai përfaqësohet nga Agjencia Lookalikes me bazë në Mbretërinë e Bashkuar.
“Kam punuar si një Putin për tetë vjet dhe gjatë kësaj kohe kam regjistruar shumë video dhe punë të tjera. Ishte një punë e mirë, dhe para të mira për këtë lloj pune, por kjo nuk është puna kryesore që kam. Kam pasur shumë respekt për të, por tani mendoj se ky njeri bëri shumë dëm dhe nuk e di sot se si do ta luaj rolin e tij në të ardhmen”, ka përfunduar 53-vjeçari.
Discussion about this post