Kryeministri Edi Rama ka qenë i pranishëm në Forumin e Menaxhimit të Integruar të Mbetjeve dhe Ekonomisë Qarkulluese, nga ku deklaroi se bashkia e Himarës, sipas tij meriton të quhet një histori suksesi.
Nga ana tjetër, ai nuk kurseu kritikat për Shkodrën e Bardh Spahisë, kryebashkiaku i së cilës kishte zgjedhur të bojkotonte takimin. Rama se situata e pastërtisë në këtë qytetet është “ku thërret qameti”.
“Duke ju falenderuar të gjithë që keni dhënë një kontribut të jashtëzakonshëm dhe duke pasur bindjen që kjo do të shërbejë edhe si inkurajim sepse janë bërë ndryshime të mëdha, s’po përmend që kemi situata negative, s’po i përmend. Kryetari i Bashkisë Shkodër nuk është këtu, por me të ka një përpjekje dhe ka një qasje, pavarësisht se situata e pastërtisë në Shkodër është ku thërret qameti. E vërteta duhet thënë. Faleminderit të gjithë, Gjermania nuk është ndarë nga kjo fushë që në krye të herës, projektet kanë qenë të shumta. E rëndësishme është që vullneti dhe dëshira për ta vazhduar mbështetjen është e madhe”, tha Rama.
Kujtojmë se, Spahia nuk ka qenë i pranishëm në asnjë nga takimet që Rama ka zhvilluar me kryebashkiakët dhe është i vetmi kryetar bashkie nga radhët e opozitës, pasi në zgjedhjet e 6 marsit arriti ta nxirrte PD fituese në Shkodër.
Discussion about this post