Kandidati i koalicionit opozitar “Bashkë Fitojmë” për bashkinë e Shkodrës, Bardh Spahia, ka theksuar gjatë fjalës së tij në ‘Air Albania’, se fitorja në qytetin e tij, do të jetë një festë jo vetëm për demokratët, por edhe për socialistët që kërkojnë zhvillimin e Shkodrës.
“Të dashur demokratë, fort të nderuar shkodranët e mi. Kam nderin tju sjell nga Shkodra mesazhin më të rëndësishëm të kësaj fushate, vetëm të qëndrojmë të fortë dhe të rezistojnë ne mund tja dalim.
Në Shkodër nuk e humbëm besimin, Shkodra zgjodhi të vërtetën mbi mashtrimin. Janë vetëm 30 ditë dhe nga sot puna jonë është me njerëzit dhe për njerëzit, ne jemi alternativa më e mirë për Shqipërinë, sepse ne punojmë me dashurinë për familjen, me dashurinë për vendin.
Nuk ka rast më të mirë se kjo, sesa të ftoj socialistët të na bashkohen në 14 Maj. Votoni kudo kandidatët e opozitës së vërtetë. Bashkë ne do të fitojmë, do të ndryshojmë për mirë jetën tonë.
Në Shkodër ne do të votojmë, por duhet të fitojmë në të gjithë Shqipërinë.”, tha ndër të tjera ai.
Discussion about this post