Spahia mesazh zonjave të Shkodrës: Ju nuk meritoni që një harbut t’ju drejtohet me fjalor të turpshëm

Kandidati për deputet i Partisë Demokratike në Shkodër, Bardh Spahia, përmes një postimi në Facebook iu drejtua zonjave të nderuara të Shkodrës me një thirrje për të mos toleruar gjuhën fyese dhe sjelljet e papranueshme të Edi Rames.

Spahia u shpreh se qyteti i Shkodrës nuk meriton të përfaqësohet nga një person që përçmon autizmin apo promovon imazhe të pahijshme. Ai theksoi rëndësinë e ruajtjes së vlerave dhe dinjitetit që karakterizojnë traditën shkodrane.

Sipas tij, gratë e këtij qyteti meritojnë respekt dhe përfaqësim dinjitoz, gjithashtu Spahia bën apel për bojkotim dhe përbuzje ndaj figurave që, sipas tij, nuk i përfaqësojnë këto vlera.

Postimi i plotë:

Ju nëna, motra, gra dhe bija të një qyteti me tradita e dinjitet, kam sot një thirrje nga zemra për secilën prej jush. Ju nuk meritoni një harbut që t’ju drejtohet me një fjalor të turpshëm. Bojkotoni dhe përbuzni një individ që përçmon autizmin apo u bën thirrje fëmijëve të shohin fotot e tij nudo. Shkodra, qyteti ynë djep i kulturës, i dinjitetit dhe i vlerave, nuk meriton të përfaqësohet nga askush që i nëpërkëmb këto parime.