Tragjiko-komike i konsideron deputeti demokrat, Edmond Spaho, zgjedhjet që pritet të mbahen në PD-në zyrtare më 29 korrik, ku për pozicionin e kësaj partie garojnë Lulzim Basha dhe Gjergj Hani.
Nga studio e Neës24, Spaho akuzoi Lulzim Bashën si përgjegjësin e vetëm për shkatërrimin e PD-së, i cili e përdori këtë forcë politike vetëm për pasurimin e tij.
Spaho tha se Basha është autori, zbatuesi dhe shkatërruesi i PD-së, ndërsa vijon të mbajë peng logon e kësaj force, përmes proceseve zgjedhore farse, sikundër cilësoi atë të 29 korrikut. Spaho tha se për asnjë moment nuk kanë pushuar përpjekjet pqë bashkimin e PD-së, process që sipas tij, është mbajtur zvarrë nga Lulzim Basha.
Lidhur me pretendimet e PD-së së Rithemelimit për manipulimin zgjedhor në 14 maj, Spaho tha se krimet zgjedhore janë evidentuar dhe provuar, por prokuroria vepron me dy standard.
Deputeti demokrat tha se shumë shpejt do të bëhet public edhe raporti që opozita ka haruar lidhur me manipulimin zgjedhor.
Discussion about this post