Deputeti i Partisë Demokratike, Edmond Spaho, ka qenë i ftuar ditën e sotme në emision “Radari Informativ” në Abc, ka folur për deklaratat e bëra nga kreu i grupit parlamentar socialist, Taulant Balla, i cili është shprehur se nuk e njeh Komisionin e Rithemelimit dhe se nuk do që të negociojë me ta për emrin e presidentit të ri.
“Nuk është hera e parë që Balla mbështet përfaqësuesit e grupit të Lulzim Bashës. Që nga shtatori e këtej të njëjtën gjë ka bërë. Nëse ju kujtohet në zgjedhjet e 6 marsit, bëri hapur thirrje për të votuar kandidatët e Bashës. Ne nuk kemi asnjë interes për presidentit, pasi është një zgjedhje e njëanshme, do të zgjidhet ai person të cilin Rama e ka vendosur në mendjen e tij, por ka nevojë për një mbulesë gjoja konsultimesh.”
Nga ana tjetër, Spaho ka thënë se edhe sikur të kishin një ftesë nga Partia Socialiste nuk do të bëheshin pjesë e procesit për zgjedhjen e presidentit të ri, për sa kohë që emri i tij do të propozohej nga radhët e mazhorancës.
“Kandidatët i japin deputetët e PS nga 3 emra secili në zarf. Ne nuk ka arsye të marrim pjesë në këtë farës për ti dhënë kopertinë Edi Ramës, edhe po të na ftonte s’do ishim pjesë në këto kushte. Ne do të ishim pjesë e procesit vetëm nëse Rama do të votonte një nga kandidaturat e propozuara nga opozita.”
Ai theksoi se PD nuk duhet të bëhet pjesë e një procesi fars.
“Jo është bërë fare e qartë nga mazhoranca që kandidatin e propozojnë ata, prandaj ne nuk do të jemi pjesë e procesit. Për ne do të thotë asgjë, ky qëndrim i Ballës, për arsyet që ua shpjegova. Për ne ka rëndësi çfarë thotë anëtarësia e PD, kë njeh, ka rëndësi çfarë mendon elektorati i djathtë. Nëse Balla nuk dëshiron të shohë realitetin është puna e tij.”
Discussion about this post