Oficerët e SPAK kanë zbarkuar pak minuta më parë në Zyrën Vendore Arsimore Dibër dhe Këshillin e Qarkut Dibër. Ende nuk ka informacion se cila është çështja që SPAK ka shkuar pranë këtyre institucioneve, ndërsa mësohet se po verifikojnë një sërë dokumentacionesh.
Mësohet se nga ky aksion janë ndaluar Fitim Farruku shef finance në Këshillin e Qarkut, Lul Dani polic bashkiak në Bashkinë Dibër, bashkëshorti i Drejtoreshës së Zyrës Vendore të Arsimit si dhe Halit Shehu Specialist Pyjesh.
Burime bëjnë me dije se deri tani janë shoqëruar në komisariatin e Dibrës 3 zyrtarë, dy inspektorë të ZVA-s dhe financieri i Këshillit të Qarkut.
Nuk dihet nëse këta persona kanë të njëjtën çështje të cilën po e heton SPAK apo janë çështje të ndryshme, por detaje të reja pritet të zbardhen në orët në vijim.
Më herët SPAK kishte paralajmëruar se nga shatori do të fillojnë aksione nga të cilët preken drejtues të lartë të institucioneve publike në vend. E.H/ gijotina.com/
