Prokuroria e Posaçme Kundër Korrupsionit dhe Krimit të Organizuar (SPAK) është duke kryer një operacion në Elbasan dhe qytete të tjera për të goditur një call center.
Operacioni është ende në vijim ku deri tani po kryhen kontrolle në kompani call center që dyshohet se ushtrojnë aktivitetin e paligjshëm.
Burime nga struktura antikorrupsion bëjnë me dije se janë shoqëruar disa persona, ndërsa janë sekuestruar servera dhe dokumente të këtyre kompanive që dyshohet se mashtronin shtetas të huaj.
Lexo edhe: Alarmi për bombë në SPAK, policia sqaron ngjarjen
Lidhur me operacionin, SPAK tregohet mjaft i rezervuar pasi është ende në vijim. Aktualisht janë disa të shoqëruar në komisariatet e këtyre qyteteve.
Letër-porosia ka ardhur nga shteti spanjoll ku shumë qytetarë dyshohet se janë mashtruar pikërisht nga këto kompani, dhe bëhet fjalë për dhjetëra miliona euro.
Shumica e urdhër arresteve janë goditur dhe pritet që SPAK apo policia e Shtetit të dalë me një njoftim mbi personat e vënë nën hetim apo të arrestuar.
Discussion about this post