Pas 18 vitesh nga vrasja e Vajdin Lames e Klodian Saliu, Prokuroria e Posacme ka dërguar dy letër-porosi në Maqedoninë e Veriut dhe në Francë, për të thekuar më tej hetimet rreth ngjarjes së ndodhur në 2005. Ndër të tjera bëhet me dije se hetuesit janë në pritje të zbardhjes së plotë të disa transkripteve që lidhen me përgjimet në dosje të tjera të vjetra në Dibër, Tiranë, Vlorë e Lezhë. Për të gjitha këto, kujtojmë se me 15 nëntor prokuroria i ka kërkuar gjykatës që të zgjasë hetimet edhe për tre muaj.
Kujtojmë se, Prokuroria e Posaçme ka marrë nën hetim Lulzim Berishën, Emiljano Shullazin, Viktor Ymerin, Indrit Rusin dhe Indrit Taullain. Ishte dëshmia e Luftar Recit, njeri prej personave që ka marrë pjesë në këto vrasje ai që pas bashkëpunimit me drejtësinë bëri të mundur zbardhjen e dy krimeve të rënda që 16 vite më parë tronditën vendin.
Të gjithë të hetuarit kanë mohuar përfshirjen e tyre në këto ngjarje, duke e konsideruar dëshminë e Reçit të pabesueshme dhe një dëshmi e cila është refuzuar më herët nga hetues të tjerë.
Discussion about this post