Prokuroria e Posaçme Kundër Korrupsionit dhe Krimit të Organizuar ka mbyllur hetimet dhe ka dërguar për gjykim ish-prokurorin e Sarandës, Sali Hasa.
Ky i fundit akuzohet veprat penale të “Korrupsioni pasiv i gjyqtarëve, prokurorëve dhe funksionarëve të tjerë të drejtësisë” dhe “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”,
Hasa nuk ka regjistruar në Kadastër ndërtimin e një karabinaje në Kavajë, madje ai nuk mund ta vërtetojë se kjo karabinë është ndërtuar me të ardhurat e siguruara nga bashkëshortja e tij. Ndër të tjera përmes deklaratës së KPK, bëhet me dije se, janë konstatuar fshehje dhe deklarim të rremë të prokurorit Hasa lidhur me deklarimin e dhurimit të një toke kullotë me sipërfaqe 1000 m2 në Porto Palermo-Himarë në vitin 2014 nga shtetasi V.Rr. në favor të dy fëmijëve të tij. Sipas komisionit, pothuajse në çdo pasuri të deklaruar nga prokurori gjendjen mospërputhje me gjetjet e komisionit nga hetimet e kryera. Pasi, përveç probleme me pasuritë e patundshme Sali Hasës i janë evidentuar edhe mospërputhje të deklarimeve për shpenzimet e shkollimit në Rusi.
Discussion about this post