SPAK dhe Policia ‘zbarkojnë’ në Durrës, arrestohet vëllai i deputetit socialist (Emri)

SPAK në bashkëpunim me Policinë e Shtetit kanë ndërmarrë një operacion të befasishëm mëngjesin e sotëm në qytetin e Durrësit

Mesohet se Enea Kume, vëllai i deputetit të PS Loer Kume, është arrestuar gjatë operacionit.

Loer Kume u zgjodh deputet i PS-së në Qarkun Durrës në zgjedhjet e 11 Majit dhe u betua si lijgvënës në Parlament më 18 shtator.

Aksioni ishte përfshirë për arrestimin e eksponentëve të krimit, për ngjarje kriminale, por dhe për çështje të tjetërsimit të pronave në bregdetin e Durrësit.

Burime bëjnë me dije se është ushtruar kontroll edhe ne banesën e Aleksandër Lahos i njohur si ‘Rrumi i Shijakut’.

Paraprakisht bëhet me dije se ai nuk është gjetur në banesë dhe as në vendet ku mendohej se mund të ishte. Edhe në 2023 është ushtruar kontroll në banesën e tij, po nuk u gjet ndërsa weshte arrestuar i vëllai, Vullnet Muça.

‘Rrumi’ është një personazh i njohur për drejtësinë dhe i shpallur në kërkim nga policia për pengmarrjen e vëllezërve Beqiraj dhe tjetërsimin e pronave në bregdetin e Gjirit të Lalzit. Ai u plagos dhe në atentatin ku mbeti i plagosur dhe deputeti i Durrësit, atëherë prokuror, Arian Ndoja.