Elvin Gokaj dhe Alfred Shehu janë emëruar zyrtarisht ditën e sotme pranë SPAK nga Këshilli i Lartë i Prokurorisë. Pas paraqitjes së kandidaturës së tyre në vendet vakante pranë SPAK dhe pas rivlerësimit, KLP njoftoi renditjen e tre kandidatëve. Elvin Gokaj është vlerësuar me 216 pikë, Alfred Shehu është vlerësuar me 211 pikë, ndërsa Sonila Muhametaj (Domi) me 208 pikë.
Dosjet e shumta dhe fluksi me të cilin Prokuroria e Posaçme Kundër Krimit dhe Korrupsionit po përballet, për shkak të kallëzimeve dhe çështjeve të shumta që ky institucion ka në kompetencë, bënë që të shpallnin vakanca për prokurorë në radhët e tyre. Prokurori Elvin Gokaj iu rikthyer shkollës me urdhërit të KPK-së për të ndjekur dhe një vit të shkollës së magjistraturës, gjatë kohës kur po kalonte procesin e rivlerësimit nga Vettingu. Me këto 2 emërime, numri i prokurorëve në SPAK ka arritur në 17 të tillë.
Discussion about this post