Kryetari i Partisë Demokratike, Lulzim Basha, ka bërë sot një deklaratë të fortë sa i përket inceneratorëve. Ai tha se ka informacione që prokurorëve të SPAK po u bëhet presion. Madje i pyetur nga gazetarër ai tha se PD ka fakte për këtë gjë dhe një ditë do të dalin të gjitha.
“Presioni po bëhet, disa burime duhen mbrojtur. Për një gjë të siguroj se po i bëhet presion. Ata janë zyrtarët më të mbrojtur të shtetit, kanë mbrojte të hapur nga SHBA. Po u ja edhe njëherë sot mbështetje nga PD, nga unë personalisht për ti shkuar deri në fund kësaj afere. Informacionet që ne kemi bëhet fjalë për kërcënime të të gjitha niveleve. Ndaj ashtu siç po e bëjmë ne si opozitës, si PD, ju kërkoj ta bëjë çdo gazetar për aq sa ka mundësi. Jam krejtësisht i pakënaqur me ritmin e procedimit penal”, tha Basha.
Sakaq, ai i ka bërë thirrje sot Prokurorisë së Posaçme që të mos intimidohet por të çojë deri në fund hetimin për aferën e inceneratorëve. “Thirrja ime ndaj SPAK është mos u intimido nga presionet e Edi Ramës. Disa nga personat që u përmendën sot duhet ti kishit në qelitë e paraburgimit. Po ta dini që po ju vëzhgon publiku dhe partnerët”, tha Basha. Madje, ai tregoi se në vazhdim do të publikojnë dhe mera të tjerë politikanësh që janë përfshirë në mënyrë të drejtpërdrejtë në aferat e inceneratorëve.
Discussion about this post