SPAK godet kopshtin privat të Ramës, histori miliardash dhe pengmarrje te AKSHI

Prokuroria e Posaçme Kundër Korrupsionit dhe Krimit të Organizuar (SPAK) ka dalë me një njoftim zyrtar lidhur me aksionin për abuzimet me tendera te Agjencia Kombëtare e Shoqërisë së Informacionit (AKSHI).

SPAK njofton se 8 persona, Ergys Agasi, Ermal Beqiri, Mirilda Karçanaj, Hava Delibashi, Andis Papa, Gëzim Hoxha, Rogers Rryta dhe Erion Ismaili, po hetohen në kuadër të një grupi të strukturuar kriminal të cilët dyshohet se kanë konsumuar veprën penale, “Konkurrencë e paligjshme përmes dhunës” dhe kanë detyruar përfaqësues të kompanive pjesëmarrëse në tendera të heqin dorë nga ankimet për procedurat e caktuara të tenderimit, kësisoj, duke i hapur rrugën kompanive të paracaktuara, për të cilat shqyrtimi i ankimimit mund të sillte edhe ndryshimin e renditjes së listës së fituesve.

Sipas SPAK, të dyshuarit kanë manipuluar procedurat e tenderëve dhe kanë ushtruar dhunë ndaj përfaqësuesve të kompanive pjesëmarrëse për të favorizuar kompani të caktuara.

Dyshohet se Ergys Agasi, në bashkëpunim me Ermal Beqirajn dhe anëtarë të Policisë së Shtetit, kanë rrëmbyer dhe dhunuar biznesmenin Gerond Meçe i cili është tërhequr më pas nga tenderat në lidhje me AKSHI.

Kujtojmë se, më date 13 gusht të këtij viti, u raportua në media se biznesmeni Geron Mece eshte terhequr nga ankesa për tenderin 7.7 milionë euro të Thesarit.

Ndërkohë, vetëm pak ditë më vonë, më 20 gusht, ish zv.drejtori i AKSHI-t, Daniel Shima u rrembye por ngjarja u manipulua pasi u be publike.

Në operacionin e zhvilluar në orët e para të mëngjesit të së martës, janë kryer kontrolle të banesave dhe ambienteve private të individëve të dyshuar për përfshirje në abuzime me tenderat publikë.

Masat e GJKKO ndaj zyrtarëve dhe biznesmenëve:

1. Ergys Agasi – Biznesmen, arrest me burg (nuk është ekzekutuar arrestimi)
2. Ermal Beqiri – Biznesmen, arrest me burg (nuk është ekzekutuar arrestimi)
3. Mirlinda Karçanaj – Drejtoreshë e AKSHIT, arrest në shtëpi
4. Hava Delibashi – Zyrtare e AKSHIT, arrest në shtëpi
5. Erjon Ismaili – Zv/drejtor i Policisë së Tiranës, pezullim nga detyra dhe ndalim për të dalë jashtë vendit
6. Andi Spapa – Ndalim për të dalë jashtë vendit
7. Gëzim Hoxha – Ndalim për të dalë jashtë vendit
8. Rogers Rryta – Ndalim për të dalë jashtë vendit

AKUZAT:

Ergys Agasi dyshohet për kryerjen e veprave penale: “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale ose veprimtarisë kriminale”.

Ermal Beqiri akuzohet për kryerjen e veprave penale; “Konkurrencë e paligjshme nëpërmjet dhunës”, “Heqje e paligjshme e lirisë”, “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”, si dhe “Pastrim i produkteve të veprës penale ose veprimtarisë kriminale”.

Mirlinda Karçanaj dyshohet për kryerjen e veprave penale; “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”.

Hava Delibashi dyshohet për kryerjen e veprave penale; “Shkelje e barazisë së pjesëmarrësve në tendera apo ankande publike”, e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grupi i strukturuar kriminal”.

Erion Ismaili dyshohet për kryerjen e veprave penale; “Konkurrencë e paligjshme nëpërmjet dhunës”, e kryer në formën e veçantë të bashkëpunimit atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”.

Andis Papa dyshohet për kryerjen e veprës penale; “Pastrim i produkteve të veprës penale ose veprimtarisë kriminale”, e kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grup i strukturuar kriminal”.

Gëzim Hoxha dyshohet për kryerjen e veprës penale, “Pastrim i produkteve të veprës penale ose veprimtarisë kriminale” e kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”.

Rogert Rryta dyshohet për kryerjen e veprave penale; “Pastrim i produkteve të veprës penale ose veprimtarisë kriminale” e kryer në formën e veçantë të bashkëpunimit, atë të grupit të strukturuar kriminal “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”.

Hetimet vijojnë për zbulimin e fakteve të tjera penale dhe identifikimin e subjekteve të tjerë të përfshirë në këtë veprimtari të jashtëligjshme.