SPAK i sekuestroi sot 23 pasuri biznesmenit Anton Gjinaj, pasi dyshohet se i ka ngritur ato me para të pista të fituara nga aktivitete kriminale. Anton Gjinaj rezulton të jetë pronar i kompanisë “Alesio-2014”, në aktivitetin e së cilës janë një numër i konsiderueshëm biznesesh që operojnë jo në Tiranë, Durrës dhe Kavajë. Ai është emër i përfolur edhe më parë në media për shkak të skandaleve që është përfshirë. Gjinaj njihet me emrin Pashk Rrapi, emër me të cilin u identifikua fillimisht në Mal të Zi.
Ai u arrestua në muajin prill të 2021-it, në Mal të Zi. Ai ka qenë në kërkim nga Interpol Madrid, i cili ngriti alarmin e kuq për këtë person. Ai pritet të ekstradohet në drejtim të Spanjës, për të vuajtur dënimin e dhënë nga shteti iberik.
Sipas Ministrisë së Brendshme të Malit të Zi, Anton Gjini është anëtar i një organizate kriminale, e cila në vitin 2006 organizoi dhe koordinoi importimin, magazinimin dhe shitjen e mëtejshme të 50 kilogramëve heroinë në territorin e Spanjës, në zonat përreth qyteteve të Murcia dhe Alicante.
Discussion about this post