Avokati Spartak Ngjela ka komentuar sot gjatë një interviste televizive goditjet e fundit të SPAK, pas dëshmive të dhëna nga i penduari i drejtësisë Nuredin Dumani. Ngjela tha se porositë, vrasësit me pagesë i marrin nga kalorësit e politikës dhe jo drejtpërdrejtë nga politikanët. “Duhet të dimë që vrasësit me pagesë nuk marrin porosi direkt nga politika, politika lëshon kalorësit dhe kalorësi shkon tek vrasësit me pagesë. Fakti që presidenti ka qenë i implikuar dhe janë fakte dhe do hetohen”, tha ai.
Ndërsa më tujet tha se SPAK dhe GJKKO po dalin jashtë funksioni pë aq kohë sa janë të veshura nga korrupsioni. “Drejtësia fiton shumë në rast se hetimi shqiptar i bën goditje drastike, sepse do të trembë vrasësit me pagesë. Vrasjet me pagesë kanë punuar si në shtëpi të tyre. Një Gjykatë dhe Prokurori e korruptuar është pjesë e krimit”, tha Ngjela.
Në lidhje me çështje Dumani, ai tha se tashmë i mbetet hetuesve të SPAK që të nxjerrin provat. Duke theksuar që, nëse hetuesi është ekspert i vertët dhe i pa korruptuar skema do të zbardhet me kalimin e kohës. “Dumani nuk mund të shkoj dot aq lart. Hetuesi nëse është i nivelit të lartë e kupton si është situata. Këta tani kërkojnë provat…Ç’donjeri bën tregti për jetën, ata janë të rrezikuar sepse janë të identifikuar dhe janë të rrezikuar me burgim të përjetshëm…Ka shumë mundësi që të kenë hyrë në bashkëpunim. Me rëndësi është të shkatërrohet krimi i organizuar, ka krahë dhe krahët janë kapitali i inkriminuar që ka marrë benefit sot nga korrupsioni dhe vrasjet. A ka ekspertë të huaj, mua më kanë thënë që ka. Hetuesia jonë si histori nuk e njeh kualitetin e kualifikuar që shkojnë deri te ministrat e kryeministrit. Pra si do të mblidhen faktet dhe si do bëhen përgjimet”, u shpreh ai. Ndërsa shtoi se politikanët po këkrojnë ta nxjerrin në pension SPAK-un.
Discussion about this post