GJKKO pritet të vlerësojë ditën e mërkurës masën e sigurisë ndaj ish-Kryeministrit Sali Berisha.
SPAK ka kërkuar në GJKKO caktimin e masës së sigurisë “arrest shtëpie” për deputetin Berisha, pasi më parë Kuvendi miratoi autorizimin që i jepte të drejtën Prokurorisë Speciale të kërkonte një forcim të masës së sigurisë, pasi ish-Kryeministri nuk kishte respektuar vendimin e GJKKO për detyrim paraqitje.
Por në kërkesën që SPAK ka depozituar në GJKKO, që mbvan firmat e prokurorëve Arben Kraja dhe Enkeleda Millonai, gjithashtu thuhet se ish-Kryeministriot i ndalohen kontaktet me persona të tjerë, jashtë familjes, si dhe ai duhet të qëndrojë në mbikqyrje policore.
Kërkesa e SPAK depozituar në GJKKO konsiderohet ndër më ekstremet, përveç rasteve të arrestit me burg, që siç duket në rastin e ish-Kryeministrit Sali Berisha është e pamundur për shkak të moshës së tij.
Dallimi i vetëm në rastin e Berishës, referuar masave që kërkon SPAK, nga “arresti i shtëpisë” në “arrest me burg” është fakti se “qelia” e ish-Kryeministrit do të jetë banesa e tij, ku do të ndalohen takimet me persona jashtë pjesëtarëve të familjes, që jetojnë në të njëjtën banesë me të.
Nuk dihet nëse Berisha do të respektojë këtë masë sigurie, nëse miratohet nga GJKKO, por duket se prokurorët e SPAK janë të vendosur për të izoluar ish-Kryeministrin.
Discussion about this post