Pas arrestimit të Behar Bajrit në Strasburg të Francës, Prokuroria e Posaçme i ka kërkuar Ministrisë së Drejtësisë të nisë procedurat për ekstradimin e tij drejt vendit tonë.
Në kërkesë është paraqitur praktika në lidhje me këtë të akuzuar, bashkëngjitur edhe vendimin e Gjykatës së Posaçme Kundër Korrupsionit dhe Krimit të Organizuar që ka caktuar ndaj 43-vjeçarit masën e arrestit në burg në mungesë, në kuadër të operacionit “Metamorfoza”.
Sipas mediave franceze, Behar Bajri i është drejtuar shtetit francez në vitin 2021, me një kërkesë për azil.
Sipas burimeve, Spak do të përdorë mënyrën e reciprocitetit, pasi me këtë vend nuk rezulton të ketë një marrëveshje të tillë.
Ndërkohë, që fillimisht priten shkresat zyrtare mes autoriteteve të drejtësisë të të dy vendeve, ku rol kyç në procedurat e ekstradimit dhe si organ ndërmjetës, është Ministria e Drejtësisë.
Discussion about this post