Prokuroria ka kërkuar 12 vite burg për ish-zyrtarin e Policisë, Gjergj Kohila, i cili ka qenë i pandehur bashkë me ish-ministrin e Brendshëm, Saimir Tahiri.
Për shkak të gjykimit të shkurtuar, dënimi përfundimtar i kërkuar është 8 vite burg për akuzat e “trafikut të narkotikëve” dhe “grupit të strukturuar kriminal”. Gjyqi ndaj ish-zyrtarit të policisë së Vlorës u zhvillua në mungesë, pasi Kohila nuk është arrestuar ende.
I bashkëpandehuri tjetër i çështjes, Sokol Bode, po gjykohet në një proces të veçuar, për shkak se gjyqi ndaj tij zhvillohet me procedurë të zakonshme, pasi ky i fundit nuk ka kërkuar gjykim të shkurtuar.
Kujtojmë se Jaeld Çela, ish-ministri i Brendshëm Saimir Tahiri dhe dy ish zyrtarët Sokol Bode dhe Gjergj Kohila akuzohen se ishin edhe pjesë e grupit të Habilajt, që mbillte drogë në Shqipëri dhe e transportonte me skafe në Itali.
