SPAK ka kërkuar nga Kuvendi autorizimin për arrestimin e deputetit Arben Ahmetaj. Pasi kërkesa u paraqit në Kuvend, Kryeparlamentarja Lindita Nikolla vendosi që të thërrasë pasditen e së martës Komisionin për Mandatet dhe Rregulloren.
Ndërkohë qarkulloi lajmi se Ahmetaj ishte larguar nga Shqipëria, ndërsa avokati i tij Henrik Ligori ka konfirmuar se deputeti do të marrë pjesë në mbledhjen e Komisionit.
E ndërsa pasditen e nesërme do të ketë një përballje mes përfaqësuesve të SPAK, mbrojtësve të Ahmetajt dhe Komisionit të Mandateve, një ditë më parë, pra të dielën, deputeti socialist shpërndante në rrjetin social, postimet e Kryeministrit Edi Rama.
Duket se Ahmetaj ka vijuar të bëjë “detyrën” që zakonisht bëjnë të gjithë deputetët duke ri-shpërndarë në rrjet postimet e shefave politikë, që në rastin e socialistëve është Edi Rama.
Discussion about this post