SPAK i ka kërkuar Ministrisë së Drejtësisë ekstradimin e Adriatik Llallës nga Italia, ku ai u arrestua 3 ditë më parë, drejt Shqipërisë. Në këtë kuadër, pritet që autoritetet italiane të bëjnë sot verifikimet e para për Llallën.
Burime bëjnë me dije se Llalla ka aplikuar për azil politik në Itali, dhe nuk dihet nëse do të pranohet kërkesa e autoriteteve shqiptare për ekstradimin e tij. Sipas njoftimit të SPAK, pritet që Llalla të ekstradohet nga Italia për të vijuar me proceduar e dënimit të tij në Shqipëri.
Prokuroria e Posaçme i ka përcjellë ministrisë së Drejtësisë dokumentacionin e nevojshëm për ekstradimin e Adriatik Llallës nga Italia në Shqipëri, ndërsa duhet të presim më tej për vendimin e ministrisë mbi datën e ekstradimit të ish-kryeprokurorit.
Kujtojmë se, Llalla është dënuar me 2 vite burg nga Apeli i Posaçëm për akuza që lidhen me fshehjen e të ardhurave dhe mosdeklarimin e pasurisë. Prej dy muajsh ai ishte shpallur në kërkim, pasi që nga vendimi i gjykatës ai u arratis në Itali.
Discussion about this post