SPAK kërkon ‘kokën’ e Ballukut/ Policia kontrolle për numrin dy të qeverisë

Policia e Shtetit, po ushtron mëngjesin e kësaj të premte disa kontrolle, në kuadër të hetimeve ndaj numrit dy të qeverisë, Belinda Balluku.

Burime për mediat bëjnë me dije se kontrollet po kryhen me vendim të Gjykatës së Posaçme, pas kërkesës së SPAK.

Në kuadër të tyre janë përfshirë edhe disa biznesmenë, emrat e të cilëve mbeten të rezervuar.

Deri tani, nuk ka konfirmime për masa sigurie apo arrestime lidhur me këto kontrolle.

Numri dy i qeverisë Rama, akuzohet për paracaktimin e garës për tenderin e ndërtimit të tunelit të Llogarasë dhe për dosjen e Unazës së Madhe. Ajo është marrë e pandehur nga SPAK më 31 tetor të këtij viti, ndërsa pak ditë më parë Prokuroria ka kërkuar heqjen e imunitetit dhe arrestimin e saj.