Prokuroria e Posaçme vijon Kontrollet dhe punën për identifikimin e personave të dyshuar si të përfshitë për aktivitet spiunazhi, kundër MEK.
Përveç kontrollit të banesave të disa shtetasve dhe marrjes në pyetje të 11 personave të tjerë ish anëtarë të MEK, SPAK ka ushtruar kontrolle edhe në disa banesa në Laç dhe Lezhë, që dyshohet se janë të përfshirë në këtë rrjet spiunazhi.
Sipas informacioneve, deri më tani bëhet me dije se në këto banesa janë sekuestruar disa sende si Laptopë apo telefona që mund t’i vlejnë hetimit. Referuar hetimeve të deritanishme të SPAK, dyshohet se personat e vënë nën hetim kanë qenë të rekretuar nga Ministria e Brendshme e Iranit.
Hetimet e Spak nisën pas marrjes së indicieve se disa persona po përgatisnin një rrjet agjenturor dhe kishin krijuar nja shoqatë në Shqipëri, ku qëllimi ishte marrja e informacioneve për jetesën e muxhahetinëve që jetojnë në kampin në Mëzez.
Në këtë rrjet spiunazhi dyshohet se ka edhe shtetas shqiptar. Deri më tani nuk ka asnjë person të ndaluar apo dëbuar lidhur me këtë çështje, ndërkohë që sipas SPAK të gjithë të dyshuarit po mbahen në mbikëqyrje nga anti-terrori dhe agjentë të BKH-së.
Discussion about this post