Kryetari i Partisë së Lirisë Ilir Meta, në fjalën e tij në protestën tek inceneratori i Tiranës, u shpreh se ka një koordinim mes SPAK dhe Rilindjes për të blerë zgjedhjet e ardhshme.
“Vetëm udhëtime kanë deklaruar se në vitin e pandemisë 600 mijë euro si investim për Inceneratorin që nuk ekziston. Forca politike e PL dhe ish LSI e ka denoncuar 558 ditë më parë në 4 mars 2021 këtë aferë, dhe ende sot SPAK justifikohet se janë në hetime paraprake. Kështu kuptohet një veprim i diktuar nga kongresi i partisë. Burgosin hallexhinj për mospagimin e një fature energjie, por nuk çojnë para drejtësisë Ramën dhe Veliajn.
Ishte megafirma e Velisë që i dha jetë kësaj vepre korruptive pa mbledhur Këshillin Bashkiak. Me atë firmë futi në borxhe qytetarët e Tiranës për 30 vite për mafien e inceneratorëve që të blejnë votat, ekranet dhe analistët shpirtshitur për të vrarë shpresën për ndryshim.
Kanë kaluar 558 ditë nga denoncimi me fakte i aferës, dhe ende ajo vijon. Sepse Rama dhe larva e tij kanë kapur për fyti drejtësinë.
Është e qartë se ka një koordinim perfekt midis Rilindjes e SPAK që të blihen zgjedhjet e vendore e të dënojnë ndonjë bedel të dorës së dytë që të thënë se drejtësia e re vazhdon”, tha Meta.
Discussion about this post