Deputeti i Partisë Demokratike, Klevis Balliu denoncon se AKSHI, i njohur si “kopshti privat” i Edi Ramës, është përdorur si lavatriçe për paratë e drogës dhe korrupsionit.
Sipas Balliut, personi i ngarkuar drejtpërdrejt nga Rama për këto afera është Ergys Agasi, koordinatori i lidhjeve me krimin e organizuar, ndërsa akuzat janë bërë publike nga Arben Ahmetaj dhe nuk janë rrëzuar nga asnjë institucion shtetëror.
Ai shton se paratë e qytetarëve nuk janë përdorur për shkolla, spitale apo siguri, por kanë përfunduar në xhepat e bandave kriminale dhe të një “kryehajduti” që ka kapur shtetin.
Balliu thekson se me këtë regjim nuk ka dialog, por vetëm përballje qytetare, ligjore dhe demokratike, duke bërë thirrje që më datë 22 dhjetor, në orën 18:00 qytetarët të protestojnë kundër Edi Ramës dhe sistemit të tij.
SPAK lëshoi ditën e sotme masa sigurie ndaj 8 personave në kuadër të një hetimi mbi disa tenderë të lidhura me Agjencinë Kombëtare të Shoqërisë së Informacionit, të cilët i akuzon për vepra penale të kryera si grup i strukturuar kriminal.
Me urdhër të dy prokurorëve të SPAK, drejtuesit në largim, Altin Dumani dhe Bledar Maksutit, vulosur edhe nga gjyqtarja Fjorela Davishi, u caktua masë arresti në burg për 2 biznesmenët, Ergys Agasi dhe Ermal Beqiraj.
Asnjëri prej të dyve nuk u arrit të arrestohet nga policia e cila kreu disa kontrolle përfshirë në banesat e tyre, siç është kjo vilë në rezidencën “Kodra e Diellit” e Ermal Beqirajt.
Nuk dihet nëse biznesmenët janë në Shqipëri apo e kanë lënë vendin.
Discussion about this post