SPAK mbyll hetimet për dosjen “Dumani”, çfarë pritet

në Aktualitet

Kohë leximi: 1 min

Pas 18 muajsh, SPAK ka mbyllur hetimet për dosjen “Dumani” ose sikundër njihet me emrin e koduar “Plumbi i Artë”.

Nga ky operacion u goditën disa grupe kriminale, dhe u lëshuan mbi 32 urdhër arreste.

Në përfundim të hetimeve 20 personave do u komunikohet akuza dhe do merren të pandehur, ndërsa dosja kalon për gjykim në GJKKO, e cila në seancë paraprake vendos nëse do të kaloj për gjykim në fillim të muajit shtator.

Për 12 personat e tjerë të cilët janë shpallur në kërkim lidhur me këtë çështje, referuar procedurës do vijojë kërkimi i tyre policor për gati 1 vit, e nëse autoritetet nuk mundin ti arrestojnë atëherë ndaj tyre do nisë procesi në mungesë.

Ndaj, Dumanit rëndojnë 17 akuza, ndërsa ndaj Henrik Hoxhës 8 akuza.

Nuredin Dumani dhe Henrik Hoxha kanë bashkëpunuar duke rrëfyer detaje mbi krimet në të cilat janë përshirë, përplasjet mes bandave kriminale, ndarjen me Talo Çelën, vrasjen makabre të Fatmira Dedës, si u nxorën në pritë vëllezërit Viktor Haxhia dhe Besmir Haxhia.

Të arrestuar gjatë operacionit ‘Plumbi i Artë”

Nuredin Dumani, 35 vjeç –

Henrik Hoxhaj, 40 vjeç

Altin Ndoci, 35 vjeç

Erion (Andrea) Alibej, 36 vjeç

Skerdi Tasi, 31 vjeç

Elvis Koçi (Çaushllari), 30 vjeç

Ilirian Feci, 47 vjeç

Enver Diva, 43 vjeç

Besjan Xhixha, 31 vjeç

Ardjan Uzuni, 56 vjeç

Leonard Palushi, 41 vjeç