SPAK në operacion kundër trafikut ndërkombëtar të kokainës pasditen e kësaj të premteje. janë lëshuar masa sigurie ndaj 7 personave, përfshirë Plarent Dervishaj dhe Erjon Alibej, të cilët ndodhen në burg, ndërsa gjatë operacionit janë arrestuar 4 të tjerët. 1 është në kërkim.
Aksioni ka çuar në arrestimin e vëllezërve Artur dhe Ervin Hoxhosmani, si dhe Ermir Ndrejaj.
Masat janë lëshuar nga Gjykata e Posaçme, me kërkesë të prokurorit Adnan Xholi. Të arrestuarit akuzohen për trafikimin e sasive të mëdha të kokainës nga Amerika Latine në Europë. Mësohet se hetimet lidhur me këtë rast të trafikut të drogës janë zhvilluar prej 1 viti.
Një i arrestuar tjetër është në Elbasan. Ndërkohë, i komunikohet akuzë e re Plarent Dervishajt dhe të penduarit të drejtësisë, Erion Alibej. Ky i fundit ka rrëfyer dhjetëra ngjarje, ka folur edhe për trafik droge. SPAK ka dëshminë e tij dhe bisedën në Sky ECC, ndaj është goditur grupi. Në burg iu komunikua akuza Dervishajt dhe Alibejt.
Plarent Dervishaj po gjykohet për atentatin ndaj Arjan Ndoj, ish-prokuror. Ndërsa Erion Alibej për disa vrasje me pagesë, por ka statusin e të penduarit.
Gjatë operacionit janë sekuestruar ora të shtrenjta, bizhuteri dhe makina luksoze.
gijotina.com/
Discussion about this post