SPAK merr në dorë dokumentacione pronash të Ahmetajt

Janë zbardhur të tjera detaje në lidhje me kontrollet që po ushtrohen në shtëpitë e deputetit të Partisë Socialiste Arben Ahmetaj.

Në banesën ku jeton ish-gruaja Albina Mancka dhe në vilën ku jeton Ahmetaj me partneren e tij, Erjola Hoxha, janë gjetur e sekuestruar dokumentacione pronësie.

Gjithashtu, në vilën që është në emër të Hoxhës është gjetur edhe një shumë parash prej 30 mijë eurosh.

Dokumentet e marra janë në duart e SPAK për shkak të hetimeve të nisura ndaj Ahmetajt, për përfshirjen në skemën e inceneratorëve.

Sot oficerët e Byrosë Kombëtare të Hetimit dhe hetuesit e Prokurorisë së Posaçme Kundër Korrupsionit dhe Krimit të Organizuar (SPAK) ushtruan  kontrolle në shtëpinë e deputetit të Partisë Socialiste Arben Ahmetaj.

BKH dhe SPAK zhvilluan kontrolle edhe në banesën e ish-bashkëshortes së Ahmetajt. Mësohet se është kontrolluar shtëpia ku jeton ish-bashkëshortja e Ahmetajt, Albina Mançka dhe dy vajzat e tij.

Gjithashtu, oficerët e Byrosë Kombëtare të Hetimit dhe hetuesit e Prokurorisë së Posaçme Kundër Korrupsionit dhe Krimit të Organizuar (SPAK) kanë ushtruar kontroll edhe në vilën që ndodhet në Gjirin e Lalëzit, e cila rezulton të jetë në pronësi të partneres së Ahmetajt, Erjola Hoxha. Në vilën e Hoxhës janë gjetur 30 mijë euro, por nuk dihet nëse kjo shumë parash është sekuestruar. SPAK po heton rolin e Arben Ahmetaj në aferën e inceneratorëve.