Teksa duhej të ishte politikani i parë shqiptarë që të vihej para drejtësisë për abuzimet që ka bërë nën drejtimin e Bashkisë së Tiranës, SPAK më në fund paska nisur një hetim ndaj Erion Veliajt. Dhe këtë lajm na e jep vet Veliaj në një intervistë për “Top Story” nga Nju Jorku. Mesa duket kryebashkiakun e Tiranës e ka kapur frika dhe për ta sfumuar tha se SPAK po heton një wc provizore te shkolla “Sami Frashëri”, teksa u shpreh i bindur se prokurori do dalë në përfundimin se nuk ka abuzime.
“Të jap një rast timin se duket sikur po bëj avokati për diçka që nuk meriton avokati se ishte një klithmë publike që këtu të veprohet. Unë nuk kam problem që SPAK është duke hetuar murin ndarës midis shkollës “Sami Frashëri” dhe teqes dhe një wc të bërë aty provizorisht për të ngulur një gozhdë. Nuk kam përfitim personal nga Sami Frashëri se un nuk jetoj aty, nuk kam shtuar kat dhe nuk jam më student. Unë konfliktin e interesit dhe këtë konkluzion do të arrijë edhe SPAK. Ajo ëc nuk është më fizikisht aty dhe kur shikon si i ka ngritur opozita këto, nuk është shtëpi private është e bashkisë. Gjasat janë që do mbyllen se nuk ka abuzime. Këtu prevalon interesi publik” – tha Erion Veliaj.
I pyetur nga moderatori Sokol Balla nëse do ishte i shqetësuar po të dilte para drejtësisë për hetim, Veliaj mesa duket kërkon strehë tek shefi i tij dhe nuk harron t’i thurr elozhe duke thënë se nuk kishte asnjë problem në lidhje me këtë gjë dhe se ky do të ishte një fakt që Rama nuk mbështet zyrtarët e partisë së tij por i trajton ata të barabartë me të tjerët, edhe para drejtësisë.
“Nuk shqetësohem fare që të dal para drejtësisë. Në qoftë se një kryebashkiak nuk përgjigjet në kohë ndaj shërbimit ndaj qytetarëve qartazi nuk është për atë vend. Secili i bën hysmet punës vet. Në këtë rast kjo është prova që kryeministri nuk do që të mbrojë të vetët. Kur vjen përvjetori i 21 janarit na thotë njerëzit mirë se ju votuam por ku është drejtësia? Po të isha prokuror i SPAK-ut do thoja Edi Rama është tifozi im dhe duhet ti jap gaz punës time” – tha Veliaj.
Kujtojmë se para disa ditësh deputetja e Partisë Demokratike ka ngritur të tjera akuza ndaj Veliajt për shkollën “Sami Frashëri”, ku sipas saj u shemb pa një plan ndërtimi dhe nuk u mor një leje ndërtimi për ta ndërtuar atë. Gjithashtu, sipas saj, u gënjye kur u tha se shkolla do të rindërtohet me fondet e Bashkimit Europian, pasi janë shqiptarët që po e ndërtojnë me taksat e tyre.
Discussion about this post