Kreu i FSHZH, Dritan Agolli, ka reaguar pak minuta më parë për vendimin e SPAK që ka nisur hetimet ndaj tij. Prokuroria e Posaçme ka marrë këtë vendim pasi drejtuesi i FSHZH ka hapur një tender, të cilin ia ka dhënë punonjësit të tij, me pak fjalë ia ka falur vetes paratë që do shpenzohen për këtë tender. Ky lajm u përhap shpejt në rrjet dhe sot SPAK nisi hetimet, por në një deklaratë publike Agolli i ka mohuar akuzat, duke u justifikuar me faktin se ende nuk është lidhur kontrata, pasi garuesit e tjerë kanë apeluar fituesin.
“Aktualisht procedura e prokurimit është në proces dhe e papërfunduar, pra ende nuk ka një kontratë të lidhur sipas ligjit. Për këto arsye zhurma që është duke u bërë në media praktikisht është një ushtrim i hapur presioni për të influencuar në procedurën e prokurimit dhe në vendimarrje gjë e cila bie në kundërshtim edhe me përcaktimet ligjore për personat apo institucionet që ndikojnë në vendimmarrje. Çdo subjekt (individ/person fizik/juridik, etj) i interesuar për faktet dhe të vërtetën mund të aksesojë lehtësisht faqen zyrtare të APP-së dhe të konfirmojë këto të dhëna. Lidhur me çështjen e konflikit të interesit tashmë që kam marrë dijeni nga mediat që kanë filluar hetimet për këtë çështje nga organet komptente sqaroj se në këtë pikë janë keto organe që do të shqyrtojnë dhe vlerësojnë këtë çështje dhe nuk ka më vend për sqarime mediatike”, tha ai, ndërsa e mbyll deklaratën me akuza ndaj mediave duke thënë se kanë shpifur për të.
Këtu vlen të theksohet se fakti që garuesit kanë apeluar fituesin dhe nuk është lidhur ende kontrata nuk do të thotë që s’ka abuzim, por që po denoncohet kjo shkleje, thjesht FSHSH nuk po arrin ta finalizojë këtë aferë korruptive, pasi tashmë po bën bujë në media.
Discussion about this post